ഇന്ത്യൻ സൂപ്പർ ലീഗിലെ ഏറ്റവും ശക്തമായ ക്ലബ് ഏതാണെന്ന ചോദ്യത്തിന് നിരവധി അഭിപ്രായങ്ങൾ ഉണ്ടാകുമെങ്കിലും ഏറ്റവും മികച്ച ആരാധകപ്പട ഏതാണെന്ന കാര്യത്തിൽ ഭൂരിഭാഗം പേർക്കും ഒരേ ഉത്തരമാണ് ഉണ്ടാവുക. കേരള ബ്ലാസ്റ്റേഴ്‌സ് ആരാധകർ എന്നു തന്നെയായിരിക്കും ആ ഉത്തരം.
ക്ലബ് ആരംഭിച്ച് ഒരു പതിറ്റാണ്ടിൽ കൂടുതൽ മാത്രയായിട്ടുള്ളൂവെങ്കിലും ടീമിന് നൽകുന്ന അവിശ്വസനീയമായ പിന്തുണ കാരണം ബ്ലാസ്റ്റേഴ്‌സ് ആരാധകർ ഒരുപാട് പ്രശംസ നേടിയിട്ടുണ്ട്. കഴിഞ്ഞ ദിവസം ടീമിന്റെ പ്രതിരോധതാരമായ മിലോസ് ഡ്രിൻസിച്ചും ബ്ലാസ്റ്റേഴ്‌സ് ഫാൻസിനെ പ്രശംസിച്ചു.
Milos Drincic 🗣️ “Kerala Blasters fans are the best in India. Every player, especially the foreigners, is really happy to be here. It is easy to adapt.” @Onmanorama #KBFC pic.twitter.com/bfCrCWHyE2
— KBFC XTRA (@kbfcxtra) October 30, 2024
“കേരള ബ്ലാസ്റ്റേഴ്‌സ് ആരാധകർ ഇന്ത്യയിലെ ഏറ്റവും മികച്ച ഫാൻസാണ്. ഏതൊരു താരവും, വിദേശികൾ ആണെങ്കിൽ പ്രത്യേകിച്ചും, ഇവിടെ നിൽക്കുന്നതിൽ വളരെയധികം സന്തുഷ്‌ടരായിരിക്കും. വളരെ വേഗത്തിൽ ഇണങ്ങിച്ചേരാൻ കഴിയും.”
“കൊച്ചിയിലൂടെ യാത്ര ചെയ്യുമ്പോൾ ആരാധകർ ഷോപ്പിങ് മോളിലും മറ്റുമെല്ലാം വെച്ച് ഞങ്ങളുടെ അരികിലേക്ക് വരും, അത് സന്തോഷമാണ്. ഫുട്ബോളിനോടുള്ള ഇവരുടെ ആവേശം അവിശ്വസനീയമാണ്, എല്ലാ മത്സരത്തിനും സ്റ്റേഡിയം നിറയും. ജയത്തിലും തോൽവിയിലും ആരാധകർ പിന്തുണക്കും.” മിലോസ് പറഞ്ഞു.
ആരാധകരുടെ പിന്തുണ ആവോളമുണ്ടെങ്കിലും ഇതുവരെ ഒരു കിരീടം നേടാൻ ക്ലബിന് കഴിഞ്ഞിട്ടില്ലെന്നത് ഇപ്പോഴും ഒരു പോരായ്‌മയായി തുടരുന്നു. മൈക്കൽ സ്റ്റാറെക്കു കീഴിൽ ടീം മികച്ച പ്രകടനം നടത്തുന്നതിനാൽ ആരാധകർക്ക് പ്രതീക്ഷയുണ്ട്.