ഈ സീസണിൽ മോശം ഫോമിലേക്ക് വീണ കേരള ബ്ലാസ്റ്റേഴ്‌സ് അതിശക്തമായി തിരിച്ചുവരുമെന്നും അതിനു അടുത്ത രണ്ടു മത്സരങ്ങളിൽ ആരാധകരുടെ പിന്തുണ അനിവാര്യമാണെന്നും ക്ലബിന്റെ മൊറോക്കൻ സൂപ്പർതാരമായ നോഹ സദോയി.
സീസണിന്റെ തുടക്കത്തിൽ പ്രതീക്ഷ നൽകിയ ബ്ലാസ്റ്റേഴ്‌സിന് പക്ഷെ അത് നിലനിർത്താൻ കഴിഞ്ഞില്ല. താരങ്ങൾ വ്യക്തിപരമായി വരുത്തിയ പിഴവുകൾ കാരണം കൂടുതൽ മത്സരങ്ങൾ തോറ്റ ടീമിപ്പോൾ പോയിന്റ് ടേബിളിൽ പത്താം സ്ഥാനത്താണ് നിൽക്കുന്നത്.
Noah Sadaoui 🗣️ “With fans support for sure we will get back in the right ways & win some matches.” #KBFC pic.twitter.com/jhPxJ67WYk
— KBFC XTRA (@kbfcxtra) November 21, 2024
എന്നാൽ അടുത്ത രണ്ടു മത്സരങ്ങൾ ബ്ലാസ്റ്റേഴ്‌സിന് തിരിച്ചുവരാനുള്ള പാതയൊരുക്കുമെന്നാണ് നോഹ സദോയി വിശ്വസിക്കുന്നത്. ചെന്നൈയിൻ എഫ്‌സി, എഫ്‌സി ഗോവ എന്നിവർക്കെതിരെ കൊച്ചിയിൽ നടക്കുന്ന മത്സരങ്ങളിൽ ആരാധകരുടെ പിന്തുണ വേണമെന്നും താരം പറഞ്ഞു.
“പരിശീലന മൈതാനത്ത് പോലും തോൽക്കാൻ ഇഷ്ടമില്ലാത്ത വ്യക്തിയാണ് ഞാൻ, എന്റെ ടീം എല്ലായിപ്പോഴും വിജയിക്കണം. ആരാധകരുടെ പിന്തുണയിൽ ഞങ്ങൾ ശരിയായ ദിശയിലേക്ക് തിരിച്ചുവരുമെന്നും മത്സരങ്ങൾ വിജയിക്കുമെന്നും ഉറപ്പാണ്.” നോഹ പറഞ്ഞു.
നിലവിൽ കേരള ബ്ലാസ്റ്റേഴ്‌സിനേക്കാൾ മികച്ച പ്രകടനം നടത്തുന്ന ടീമുകളാണ് ചെന്നൈയിൻ എഫ്‌സിയും എഫ്‌സി ഗോവയും. എന്നാൽ ഇനിയുള്ള മത്സരങ്ങൾക്ക് പ്രധാന താരങ്ങളെല്ലാം ബ്ലാസ്റ്റേഴ്‌സിൽ ഉണ്ടാകും. ലൂണ കൂടി ഫോം വീണ്ടെടുത്താൽ ബ്ലാസ്റ്റേഴ്‌സിന് തിരിച്ചുവരാൻ കഴിയും.