സൗദി അറേബ്യൻ ക്ലബായ അൽ നസ്റിലേക്ക് ചേക്കേറിയ റൊണാൾഡോ അതിനു ശേഷം പറഞ്ഞത് യൂറോപ്യൻ ഫുട്ബോളിൽ തനിക്ക് സ്വന്തമാക്കാൻ നേട്ടമൊന്നും ബാക്കിയില്ലെന്നും, ഇനി ഏഷ്യൻ ഫുട്ബോളിൽ പുതിയ നേട്ടങ്ങൾ സ്വന്തമാക്കണമെന്നുമാണ്. ഏഷ്യൻ ഫുട്ബോളിൽ താൻ ചരിത്രം കുറിക്കുമെന്ന് ഉറപ്പിച്ചാണ് റൊണാൾഡോ കളിക്കുന്നതെന്ന് ഇപ്പോൾ വ്യക്തമാണ്. അൽ നസ്റിൽ എത്തിയതിനു ശേഷം പുതിയൊരു റൊണാൾഡോയെയാണ് ഓരോ മത്സരങ്ങളിലും കാണുന്നത്. മാഞ്ചസ്റ്റർ യുണൈറ്റഡിനൊപ്പമുള്ള അവസാനകാലം റൊണാൾഡോയെ സംബന്ധിച്ച് അത്ര സുഖകരമായ ഒന്നായിരുന്നില്ല. പരിശീലകനുമായുള്ള അഭിപ്രായവ്യത്യാസങ്ങൾ താരത്തിന്റെ പ്രകടനത്തെ വളരെയധികം ബാധിച്ചിരുന്നു. […]

എഎഫ്‌സി ചാമ്പ്യൻസ് ലീഗിൽ കഴിഞ്ഞ ദിവസം നടന്ന മത്സരത്തിൽ റൊണാൾഡോയുടെ മിന്നുന്ന പ്രകടനത്തിൽ വിജയം സ്വന്തമാക്കി സൽ നസ്ർ. ഖത്തരി ക്ലബായ അൽ ദുഹൈലിനെതിരെ നടന്ന മത്സരത്തിൽ മൂന്നിനെതിരെ നാല് ഗോളുകൾക്കാണ് അൽ നസ്ർ വിജയം സ്വന്തമാക്കിയത്. ഈ വിജയത്തോടെ എഎഫ്‌സി ചാമ്പ്യൻസ് ലീഗിന്റെ ഗ്രൂപ്പ് ഇയിൽ ഒന്നാം സ്ഥാനത്തേക്ക് അൽ നസ്ർ മുന്നേറി. ഗ്രൂപ്പിൽ നടന്ന മൂന്നു മത്സരങ്ങളിൽ മൂന്നിലും ടീം വിജയം സ്വന്തമാക്കിയിട്ടുണ്ട്. ഇരുപത്തിയഞ്ചാം മിനുട്ടിൽ ബ്രസീലിയൻ താരമായ ടാലിസ്‌ക നേടിയ ഗോളിലാണ് അൽ […]