ജംഷഡ്‌പൂരിനെതിരായ കേരള ബ്ലാസ്റ്റേഴ്‌സിന്റെ മത്സരത്തിനു മുൻപ് ആശങ്കകൾ ഏറെയായിരുന്നു. കേരളം മുഴുവനുമുണ്ടായ കനത്ത മഴയെത്തുടർന്ന് കൊച്ചിയിൽ മത്സരത്തിന്റെ തലേന്ന് യെല്ലോ അലേർട്ടും മത്സരദിവസം ഓറഞ്ച് അലെർട്ടുമാണ് കാലാവസ്ഥാ വകുപ്പ് പ്രവചിച്ചിരുന്നത്. അതുകൊണ്ടു തന്നെ കനത്ത മഴ പെയ്‌താൽ മത്സരം ഉപേക്ഷിക്കേണ്ടി വരുമോയെന്ന പേടി പല ആരാധകർക്കും ഉണ്ടായിരുന്നു. അവരത് സോഷ്യൽ മീഡിയയിലൂടെ മത്സരത്തിന് മുൻപ് പങ്കു വെക്കുന്നുമുണ്ടായിരുന്നു. മൈതാനത്തിന്റെ ഔട്ട്‍ഫീൽഡിൽ മുട്ടോളമെത്തുന്ന രീതിയിൽ വെള്ളം നിറഞ്ഞുവെന്ന വാർത്തകൾ വന്നതിനെ തുടർന്ന് ‘എന്ത് കളിയാണ് കളിക്കേണ്ടത്, വാട്ടർപോളോയാണോ’ എന്നാണു […]