അടുത്ത സീസണിലേക്ക് ടീമിനെ അഴിച്ചു പണിയാനൊരുങ്ങുന്ന കേരള ബ്ലാസ്റ്റേഴ്‌സ് ആരാധകർക്ക് പ്രതീക്ഷ നൽകുന്ന സൈനിങ്‌ നടത്തുന്നതിന്റെ തൊട്ടരികിലാണെന്ന് റിപ്പോർട്ടുകൾ. ഇന്ത്യൻ ഫുട്ബോളിൽ ഉദിച്ചുയർന്നു വരുന്ന പ്രതിഭകളിൽ ഒരാളായ എഫ്‌സി ബെംഗളൂരു യുണൈറ്റഡിന്റെ സ്‌ട്രൈക്കറായ ഇർഫാൻ യധ്വദിനെ സ്വന്തമാക്കാൻ ബ്ലാസ്റ്റേഴ്‌സ് ഒരുങ്ങുകയാണെന്ന് ദി ബ്രിഡ്‌ജിന്റെ റിപ്പോർട്ടുകൾ വ്യക്തമാക്കുന്നു. ഇരുപത്തിയൊന്നുകാരനായ ഇർഫാൻ ഗോവ സ്വദേശിയാണ്. സ്പോർട്ടിങ് ക്ലബ് ഡി ഗോവയിൽ കരിയർ ആരംഭിച്ചതിനു ശേഷം പിന്നീട് പാൻജിം ഫുട്‍ബോളേഴ്‌സിലേക്ക് ചേക്കേറിയ താരം അവിടെ നിന്നുമാണ് എഫ്‌സി ബെംഗളൂരു യുണൈറ്റഡിൽ എത്തിയത്. […]