പിഎസ്‌ജിയുമായുള്ള കരാർ ഈ സീസണോടെ അവസാനിക്കാനിരിക്കെ ലയണൽ മെസി ക്ലബ് വിടുമെന്ന അഭ്യൂഹങ്ങൾ ശക്തമാണ്. ലോകകപ്പിന് ശേഷം മെസി ഉടനെ തന്നെ പുതിയ കരാർ ക്ലബുമായി ഒപ്പിടുമെന്നാണ് പ്രതീക്ഷിച്ചതെങ്കിലും ഇതുവരെയും അതുണ്ടായില്ല. ചാമ്പ്യൻസ് ലീഗിൽ നിന്നും തുടർച്ചയായ രണ്ടാമത്തെ സീസണിലും പിഎസ്‌ജി പുറത്തുപോയതോടെ മെസിക്കെതിരെ ആരാധകരോഷം ഉയരുന്നുണ്ട്. താരം ക്ലബിൽ തുടരുന്നില്ലെന്ന് തീരുമാനിക്കാൻ അതും കാരണമായിട്ടുണ്ട്. അതിനിടയിൽ മെസി ബാഴ്‌സലോണയിലേക്ക് ചേക്കേറുമെന്ന അഭ്യൂഹങ്ങൾ ഉയർന്നു വന്നിരുന്നു. ബാഴ്‌സലോണ പ്രസിഡന്റും പരിശീലകൻ ലപോർട്ടയും മെസിയെ തിരിച്ചെത്തിക്കുന്നതിനോട് അനുകൂലമായാണ് പ്രതികരിച്ചിട്ടുള്ളത്. […]