മുപ്പത്തിയാറു വർഷങ്ങൾക്ക് ശേഷം ലോകകപ്പ് കിരീടം നേടിയ അർജന്റീന ടീമിന് അഭിനന്ദനങ്ങളുടെ ഒപ്പം തന്നെ വിമർശനങ്ങളും കൂടെയുണ്ട്. പ്രധാനമായും പ്രതിക്കൂട്ടിൽ നിൽക്കുന്നത് ഫൈനലിലെ പെനാൽറ്റി ഷൂട്ടൗട്ടിൽ ഹീറോയായ എമിലിയാനോ മാർട്ടിനസാണ്‌. ഫൈനൽ വിജയത്തിന് ശേഷം എംബാപ്പയെ തുടർച്ചയായി കളിയാക്കിയതിന്റെ പേരിൽ വളരെയധികം വിമർശനങ്ങൾ താരം ഏറ്റു വാങ്ങുന്നുണ്ട്. താരത്തെ നിരവധി പേർ പിന്തുണക്കുന്നുണ്ടെങ്കിലും അതിനൊപ്പം തന്നെ വിമർശനങ്ങളും ഉയരുന്നുണ്ട്. എമിലിയാനോ മാർട്ടിനസിന്റെ ചെയ്‌തികളുടെ പേരിൽ താരം മാത്രമല്ല, ടീമിന്റെ നായകനായ ലയണൽ മെസിയും വിമർശനം ഏറ്റുവാങ്ങേണ്ടി വന്നിരിക്കുകയാണിപ്പോൾ. […]