ഏതാനും ആഴ്ച്ചകൾക്കുള്ളിൽ ആരംഭിക്കാനിരിക്കുന്ന ഖത്തർ ലോകകപ്പിന്റെ ഫൈനലിൽ ലയണൽ മെസിയുടെ അർജന്റീനയും ക്രിസ്റ്റ്യാനോ റൊണാൾഡോയുടെ പോർച്ചുഗലും തമ്മിൽ ഏറ്റുമുട്ടുമെന്ന് പ്രവചനം. കാനഡ ആസ്ഥാനമായുള്ള ബിസിഎ റിസർച്ച് കമ്പനിയുടെ സൂപ്പർകമ്പ്യൂട്ടറാണ് അർജന്റീനയും പോർച്ചുഗലും തമ്മിലുള്ള ഫൈനൽ പോരാട്ടം പ്രവചിച്ചിരിക്കുന്നത്. കലാശപ്പോരാട്ടത്തിൽ പോർച്ചുഗലിനെ തോൽപ്പിച്ച് അർജന്റീന കിരീടമുയർത്തുമെന്നും അവരുടെ പ്രവചനത്തിൽ പറയുന്നു. ടീമുകളുടെ നിലവിലെ ഫോം പരിഗണിക്കാതെയാണ് സൂപ്പർ കമ്പ്യൂട്ടർ പ്രവചനം നടത്തിയിരിക്കുന്നത്. കഴിഞ്ഞ നാല് ലോകകപ്പുകളിൽ മത്സരങ്ങൾ, ഓരോ ദേശീയ ടീമിന്റെയും ഫിഫ റാങ്കിങ് എന്നിവ ഇവർ കണക്കിലെടുക്കുന്നു. […]