ഗോൾമെഷീനെ സ്വന്തമാക്കാൻ ബ്ലാസ്റ്റേഴ്‌സിനു താൽപര്യം, നടന്നാൽ അടുത്ത സീസൺ പൊളിച്ചടുക്കും | Kerala Blasters
ദിമിത്രിയോസ് ഡയമെന്റക്കൊസ് ക്ലബ് വിടാൻ തീരുമാനിച്ചതോടെ അതിനു പകരക്കാരനായി താരത്തെ തേടുകയാണ് കേരള ബ്ലാസ്റ്റേഴ്‌സ്. കഴിഞ്ഞ രണ്ടു സീസണുകളായി മികച്ച പ്രകടനം ഐഎസ്എല്ലിൽ നടത്തുകയും ഇത്തവണ ഗോൾഡൻ ബൂട്ട് സ്വന്തമാക്കുകയും ചെയ്‌ത ദിമിത്രിയോസ് ക്ലബ് വിട്ടത് ആവശ്യപ്പെട്ട പ്രതിഫലം നൽകാൻ ബ്ലാസ്റ്റേഴ്‌സ് തയ്യാറല്ലെന്ന് അറിയിച്ചത് കൊണ്ടാണ്.
ദിമിക്ക് പകരക്കാരനായി അതിനേക്കാൾ മികച്ചൊരു താരത്തെ എത്തിക്കേണ്ടത് ബ്ലാസ്റ്റേഴ്‌സിന് ആവശ്യമാണ്. അടുത്ത സീസണിൽ കിരീടസാധ്യതകൾ നിലനിർത്തണമെങ്കിൽ അത് കൂടിയേ തീരൂ. പുതിയ പരിശീലകനും എത്തുന്ന സാഹചര്യത്തിൽ മികച്ചൊരു താരത്തെ തന്നെ സ്വന്തമാക്കാൻ ബ്ലാസ്റ്റേഴ്‌സ് കരുക്കൾ നീക്കുന്നുണ്ടെന്നാണ് റിപ്പോർട്ടുകൾ സൂചിപ്പിക്കുന്നത്.
Kerala Blasters shown INTERESTED sign Jamie Maclaren
3 other isl clubs are also interested in him#KBFC #KeralaBlasters pic.twitter.com/u7PWELRr31— KBFC TV (@KbfcTv2023) May 24, 2024
ഓസ്‌ട്രേലിയൻ ക്ലബായ മെൽബൺ സിറ്റിയുടെ സ്‌ട്രൈക്കറായ ജെമീ മക്‌ലാറനെയാണ് കേരള ബ്ലാസ്റ്റേഴ്‌സ് സ്വന്തമാക്കാൻ ശ്രമം നടത്തുന്നത്. ഈ സീസണിൽ ഓസ്‌ട്രേലിയൻ ലീഗിൽ മെൽബൺ സിറ്റിക്ക് വേണ്ടി പത്ത് ഗോളുകൾ നേടുകയും രണ്ടു ഗോളുകൾക്ക് വഴിയൊരുക്കുകയും ചെയ്‌ത മുപ്പതുകാരനായ താരം അവരുമായി കരാർ പുതുക്കാതെ ഐഎസ്എല്ലിലേക്ക് ചേക്കേറാൻ നിൽക്കുകയാണ്.
റിപ്പോർട്ടുകൾ പ്രകാരം മൂന്നു ഐഎസ്എൽ ക്ലബുകളാണ് താരത്തെ സ്വന്തമാക്കാൻ വേണ്ടി രംഗത്തുള്ളത്. പെരേര ഡയസ് പോകുന്ന ഒഴിവിലേക്ക് പുതിയ താരത്തെ സ്വന്തമാക്കാൻ ശ്രമിക്കുന്ന മുംബൈ സിറ്റി, ഷീൽഡ് ജേതാക്കളായ മോഹൻ ബഗാൻ എന്നിവരാണ് ഓസ്‌ട്രേലിയൻ താരത്തിനായി മത്സരിക്കുന്ന മറ്റു ക്ലബുകൾ. ഇത് ബ്ലാസ്റ്റേഴ്‌സിനു വെല്ലുവിളി തന്നെയാണ്.
മക്‌ലാറനെപ്പോലൊരു താരം ടീമിലെത്തിയാൽ അത് ഏതൊരു ടീമിനും ഗുണം ചെയ്യുന്നതാണ്. മുന്നേറ്റനിരയിൽ ഒരുപാട് അപകടം സൃഷ്‌ടിക്കാൻ താരത്തിന് കഴിയുമെന്നതിൽ യാതൊരു സംശയവുമില്ല. എന്നാൽ മറ്റു ക്ലബുകൾ സമ്മർദ്ദം ചെലുത്തുന്നത് ബ്ലാസ്റ്റേഴ്‌സിന് ഭീഷണിയാണ്. പുതിയ പരിശീലകന്റെ ഇടപെടൽ ഇക്കാര്യത്തിൽ നിർണായകമായി മാറും.
Kerala Blasters Interested In Jamie Maclaren
