വെടിച്ചില്ലു ഗോളുകളുടെ തമ്പുരാൻ, ലൂണയുടെ പകരക്കാരൻ താരത്തിന്റെ കിടിലൻ ഗോളുകൾ കാണാം | Fedor Cernych
അഡ്രിയാൻ ലൂണ പരിക്കേറ്റു ഈ സീസൺ മുഴുവൻ പുറത്തിരിക്കുമെന്ന് അറിഞ്ഞതു മുതൽ കേരള ബ്ലാസ്റ്റേഴ്‌സ് ആരാധകർ താരത്തിന്റെ പകരക്കാരൻ ആരാകുമെന്ന ചർച്ചയിലായിരുന്നു. ഒരുപാട് അഭ്യൂഹങ്ങൾക്ക് ശേഷം കഴിഞ്ഞ ദിവസം ബ്ലാസ്റ്റേഴ്‌സ് പുതിയ താരത്തിന്റെ സൈനിങ്‌ പ്രഖ്യാപിച്ചു. ലിത്വാനിയൻ ദേശീയ ടീമിന്റെ നായകനായ ഫെഡോർ സെർനിച്ചിനെയാണ് ബ്ലാസ്റ്റേഴ്‌സ് സ്വന്തമാക്കിയത്.
മിഡ്‌ഫീൽഡ്, അറ്റാക്കിങ് മിഡ്‌ഫീൽഡ് തുടങ്ങിയ പൊസിഷനിൽ കളിക്കുന്ന അഡ്രിയാൻ ലൂണയുടെ പകരക്കാരനായാണ് എത്തുന്നതെങ്കിലും ഫെഡോറിന്റെ പൊസിഷൻ സ്‌ട്രൈക്കർ, വിങ്ങർ എന്നിവയാണ്. ഇപ്പോൾ തന്നെ രണ്ടു വിദേശസ്‌ട്രൈക്കർമാരുള്ള ടീമിന് പുതിയൊരു സ്‌ട്രൈക്കർ കൂടി വേണമോയെന്ന സംശയം ഉണ്ടെങ്കിലും ബ്ലാസ്റ്റേഴ്‌സ് മുന്നേറ്റനിരയിൽ വിസ്ഫോടനം സൃഷ്‌ടിക്കാൻ താരത്തിന് കഴിയുമെന്നുറപ്പാണ്.
Fedor Cernych #KBFC
— Sarath (@connecttosarath) January 10, 2024
ഇതിനു മുൻപ് കളിച്ചിട്ടുള്ള ടീമുകൾക്ക് വേണ്ടി ലിത്വാനിയൻ താരം നേടിയ ഗോളുകളുടെ വീഡിയോ ഇപ്പോൾ സാമൂഹ്യമാധ്യമങ്ങളിലൂടെ പുറത്തു വരുന്നുണ്ട്. എല്ലാ തരം ഗോളുകളും നേടാൻ കഴിയുന്ന ഒരു പെർഫെക്റ്റ് സ്‌ട്രൈക്കറാണ് ഫെഡോർ. ലോങ്ങ് റേഞ്ചറുകളും, പോച്ചർ ടൈപ് ഗോളുകളും, അസാധ്യമായ ആംഗിളിൽ നിന്നുള്ള ഗോളുകളുമെല്ലാം താരത്തിന് നേടാൻ കഴിയും.
Goal of our new signing Fedor Černych#KBFC #Manjappada #ISL10 pic.twitter.com/gLcaPp56Sb
— VISHX KBFC (@VishX_KBFC) January 10, 2024
നിലവിൽ ബ്ലാസ്റ്റേഴ്‌സ് മുന്നേറ്റനിര മികച്ച പ്രകടനം നടത്തുന്നുണ്ട്. ദിമിത്രിയോസ്, പെപ്ര എന്നീ താരങ്ങൾ ഐഎസ്എല്ലിനോട് ഇണങ്ങിച്ചേർന്നിരിക്കുന്നു. അതുകൊണ്ടു തന്നെ പുതിയ താരത്തിന് ടീമിൽ സ്ഥിരമായി അവസരം ലഭിക്കാൻ മികച്ച പ്രകടനം നടത്തേണ്ടതുണ്ട്. അതേസമയം അതിനുള്ള കഴിവ് താരത്തിനുണ്ടെന്ന കാര്യത്തിൽ യാതൊരു സംശയവുമില്ല.
ലിത്വാനിയൻ താരത്തിന്റെ പരിചയസമ്പത്തും വമ്പൻ മത്സരങ്ങൾ കളിച്ചുള്ള അനുഭവങ്ങളും കേരള ബ്ലാസ്റ്റേഴ്‌സിന് ഗുണം ചെയ്യുമെന്നുറപ്പാണ്. നിലവിൽ തന്നെ മികച്ച മനോഭാവമാണ് ബ്ലാസ്റ്റേഴ്‌സ് താരങ്ങൾ ഓരോ മത്സരത്തിലും കാണിക്കുന്നത്. അതിനെ പരിപോഷിപ്പിച്ച് കിരീടനേട്ടങ്ങൾക്ക് സഹായിക്കാൻ കഴിയുന്ന താരമാണ് ഫെഡോർ.
Kerala Blasters New Signing Fedor Cernych Goals
