ഇന്ത്യൻ യുവതാരം ക്ലബ് വിടുകയാണെന്നു പ്രഖ്യാപിച്ചു, അടുത്ത ലക്‌ഷ്യം കേരള ബ്ലാസ്റ്റേഴ്‌സ് | Kerala Blasters
ഇന്ത്യൻ സൂപ്പർ ലീഗിന്റെ അടുത്ത സീസണിലേക്കുള്ള ഒരുക്കങ്ങൾ നടത്തിക്കൊണ്ടിരിക്കുകയാണ് കേരള ബ്ലാസ്റ്റേഴ്‌സ്. ഇതുവരെ കിരീടം സ്വന്തമാക്കാൻ കഴിഞ്ഞിട്ടില്ലാത്ത ടീം അടുത്ത സീസണിലേക്ക് വേണ്ട ഒരുക്കങ്ങളെല്ലാം നേരത്തെ തീർക്കാനുള്ള പദ്ധതിയിലാണ്. വിദേശതാരങ്ങളുടെ കാര്യത്തിൽ ഏറെക്കുറെ തീരുമാനത്തിൽ എത്തിയ ടീം ഇനി ഇന്ത്യൻ താരങ്ങളെ സ്വന്തമാക്കാനുള്ള നീക്കങ്ങളാണ് നടത്തുന്നത്.
പുറത്തുവരുന്ന റിപ്പോർട്ടുകൾ പ്രകാരം ഐസ്വാൾ എഫ്‌സിയിൽ നിന്നും ഗോൾകീപ്പറായ നോറ ഫെർണാണ്ടസിന്റെ ബ്ലാസ്റ്റേഴ്‌സ് സ്വന്തമാക്കിയിട്ടുണ്ട്. അതിനു പുറമെ ഐസ്വാൾ എഫ്‌സിയിൽ നിന്നും മറ്റൊരു താരം കൂടി ബ്ലാസ്റ്റേഴ്‌സിൽ എത്തുമെന്നാണ് ഇപ്പോൾ ലഭിക്കുന്ന സൂചനകൾ. ഇരുപത്തിരണ്ടുകാരനായ ലാൽത്താൻമാവിയയാണ് ബ്ലാസ്റ്റേഴ്‌സിലെത്താൻ സാധ്യതയുള്ള താരം.
🚨| OFFICIAL: R Lalthanmawia announced his departure from Aizwal FC through IG. #KBFC pic.twitter.com/pmNNQKkDB2
— KBFC XTRA (@kbfcxtra) May 14, 2024
2021 മുതൽ ഐസ്വാൾ എഫ്‌സിയിൽ കളിച്ചു കൊണ്ടിരിക്കുന്ന ലാൽത്താൻമാവിയയുടെ കരാർ ഈ മെയ് മാസം കഴിയുന്നതോടെ അവസാനിക്കാൻ പോവുകയാണ്. കഴിഞ്ഞ ദിവസം ഇൻസ്റ്റഗ്രാമിലൂടെ താരം ഐസ്വാൾ എഫ്‌സിയിൽ നിന്നും പോവുകയാണെന്ന് സ്ഥിരീകരിച്ചിട്ടുണ്ട്. കേരള ബ്ലാസ്റ്റേഴ്‌സ് ഓഫർ നൽകിയത് സ്വീകരിക്കാനാണ് താരത്തിന്റെ പദ്ധതിയെന്നാണ് റിപ്പോർട്ടുകൾ.
കഴിഞ്ഞ സീസണിൽ ഐ ലീഗിൽ പത്തോൻപത് മത്സരങ്ങളിലാണ് ലാൽത്താൻമാവിയ ഐസ്വാളിനു വേണ്ടി കളത്തിലിറങ്ങിയത്. രണ്ടു ഗോളുകൾ നേടിയ താരം മൂന്നു ഗോളുകൾക്ക് വഴിയൊരുക്കുകയും ചെയ്‌തു. രണ്ടു വിങ്ങുകളിലും കളിക്കാൻ കഴിയുന്ന താരത്തിനു കൂടുതൽ മികച്ച പ്രകടനം ബ്ലാസ്റ്റേഴ്‌സ് ജേഴ്‌സിയിൽ നടത്താൻ കഴിയുമെന്ന് പ്രതീക്ഷിക്കാം.
Kerala Blasters Likely To Sign R Lalthanmawia
