അർജന്റീന-പോർച്ചുഗൽ പോരാട്ടം നടക്കാനുള്ള സാധ്യതയേറുന്നു, ഫുട്ബോൾ ആരാധകർക്ക് പ്രതീക്ഷ നൽകുന്ന റിപ്പോർട്ടുകൾ | Argentina

ലോകചാമ്പ്യന്മാരായ അർജന്റീന 2024 മാർച്ച് മാസത്തിലെ സൗഹൃദമത്സരങ്ങൾ യൂറോപ്യൻ ടീമുകളുമായി കളിക്കാൻ തീരുമാനിച്ചിരുന്നു. കഴിഞ്ഞ യൂറോ കപ്പിലെ രണ്ടാം സ്ഥാനക്കാരായ ഇംഗ്ലണ്ടുമായാണ് അർജന്റീന കളിക്കുകയെന്നാണ് റിപ്പോർട്ടുകൾ ഉണ്ടായിരുന്നതെങ്കിലും കഴിഞ്ഞ ദിവസത്തോടെ ആ സാധ്യതകൾ പൂർണമായും ഇല്ലാതായി. ബ്രസീലും ഇംഗ്ലണ്ടും കഴിഞ്ഞ ദിവസം നടത്തിയ പ്രഖ്യാപനം പ്രകാരം ഈ രണ്ടു ടീമുകളുമാണ് മാർച്ചിൽ നടക്കുന്ന സൗഹൃദമത്സരത്തിൽ ഏറ്റുമുട്ടുന്നത്.

അടുത്ത വർഷം കോപ്പ അമേരിക്ക നടക്കാൻ പോകുന്നതിനാൽ അതിനു മുന്നോടിയായി മികച്ച ടീമുകളുമായി മത്സരങ്ങൾ കളിക്കേണ്ടത് അർജന്റീനക്ക് ആവശ്യമാണ്. അതുകൊണ്ടാണ് യൂറോപ്പിൽ നിന്നുള്ള ടീമുകളുമായി കളിക്കാൻ അർജന്റീന തീരുമാനിച്ചത്. ലോകകപ്പ്, ഫൈനലൈസിമ പോരാട്ടങ്ങൾ മാറ്റി നിർത്തിയാൽ അർജന്റീന യൂറോപ്യൻ ടീമുകളുമായി കളിച്ചിട്ട് വർഷങ്ങളായി. 2019ലാണ് അവർ അവസാനമായി യൂറോപ്പിൽ നിന്നുള്ള ഒരു ടീമിനെതിരെ കളിക്കുന്നത്.

❌🏴󠁧󠁢󠁥󠁮󠁧󠁿 Inglaterra disputará amistosos ante Brasil y Bélgica en marzo 2024, de esta manera NO JUGARÁ ante Argentina.

🚨🇦🇷 Las OPCIONES que le quedan a la Selección según lo que se había informado:

🇵🇹 Portugal
🇩🇪 Alemania
🇳🇱 Países Bajos
🇫🇷 Francia

⁉️ ¿Con cuál te gustaría jugar? pic.twitter.com/TBzaWaNfMR

— Sudanalytics (@sudanalytics_) November 6, 2023

ഇംഗ്ലണ്ടുമായുള്ള സൗഹൃദമത്സരം നടക്കില്ലെന്ന് ഉറപ്പായതോടെ യൂറോപ്പിൽ നിന്നുള്ള മറ്റു ടീമുകളെയാവും അർജന്റീന സൗഹൃദമത്സരത്തിനായി പരിഗണിക്കുന്നത്. നിലവിൽ പുറത്തു വരുന്ന റിപ്പോർട്ടുകൾ പ്രകാരം നാല് ടീമുകളുമായാണ് അർജന്റീന സൗഹൃദമത്സരം കളിക്കാനുള്ള സാധ്യതയുള്ളത്. പോർച്ചുഗൽ, അർമേനിയ, നെതർലാൻഡ്‌സ്, ഫ്രാൻസ് എന്നിവയാണ് ആ രാജ്യങ്ങൾ. ഇതിൽ പോർചുഗലിനെതിരെ അർജന്റീന കളിക്കാനാവും ആരാധകർ കാത്തിരിക്കുന്നത്.

🚨 Leo Messi on his rivalry with Cristiano Ronaldo:

The journalist: “You have now won the eighth and you have three more than Cristiano Ronaldo. So is the competition over?

Leo Messi: “It was an epic competition between brackets. Athletically, he was very good and I think we… pic.twitter.com/km2YDKepxh

— All About Argentina 🛎🇦🇷 (@AlbicelesteTalk) October 31, 2023

റൊണാൾഡോ അൽ നസ്റിലേക്ക് ചേക്കേറിയതിനു ശേഷം പിഎസ്‌ജിയും സൗദി ക്ലബും തമ്മിൽ നടന്ന ഒരു സൗഹൃദമത്സരം ഒഴിച്ചു നിർത്തിയാൽ ലയണൽ മെസിയും ക്രിസ്റ്റ്യാനോ റൊണാൾഡോയും തമ്മിലൊരു പോരാട്ടം നടന്നിട്ട് കുറച്ചു കാലമായി. നിലവിൽ മികച്ച ഫോമിൽ കളിക്കുന്ന ദേശീയടീമുകൾക്ക് വേണ്ടി ഇരുവരും മുഖാമുഖം വന്നാൽ അത് ആരാധകർക്ക് വലിയ ആവേശം നൽകും. ദേശീയ ടീമുകൾക്കായി മികച്ച പ്രകടനമാണ് രണ്ടു താരങ്ങളും നടത്തുന്നത്.

ഇക്കാര്യത്തിൽ അർജന്റീനയും പോർച്ചുഗലും തമ്മിൽ ധാരണയിൽ എത്തിയാൽ മാത്രമേ മത്സരം നടക്കുന്നതിൽ തീരുമാനമാകൂ. മാർച്ചിൽ യൂറോപ്യൻ ടീമുകളുമായി കളിക്കാനാണ് അർജന്റീനക്ക് താൽപര്യമെന്നതിനാൽ ഇതിനുള്ള സാധ്യത കൂടുതലാണ്. അതേസമയം ഫ്രാൻസ്, നെതർലാൻഡ്‌സ് എന്നീ ടീമുകളോടാണ് അർജന്റീന കളിക്കുന്നതെങ്കിലും മത്സരം മികച്ചതാകും. രണ്ടു ടീമുകൾക്കും ലോകകപ്പ് ഫൈനലിൽ തോൽവി വഴങ്ങിയതിന്റെ പ്രതികാരം അർജന്റീനയോട് നടത്താൻ ബാക്കിയുണ്ട്.

Argentina May Face Portugal In March