ഇന്റർ മിയാമിയിൽ മുപ്പത്തിയാറുകാരന്റെ അഴിഞ്ഞാട്ടം, ഇരട്ടഗോളുകളും അസിസ്റ്റുമായി ലയണൽ മെസി | Messi
ഇന്റർ മിയാമിക്കു വേണ്ടിയുള്ള രണ്ടാമത്തെ മത്സരത്തിലും തകർപ്പൻ പ്രകടനവുമായി ലയണൽ മെസി. ആദ്യത്തെ മത്സരത്തിൽ പകരക്കാരനായി കളത്തിലിറങ്ങി ഇഞ്ചുറി ടൈമിൽ ഫ്രീകിക്ക് ഗോൾ നേടി ടീമിനെ വിജയത്തിലെത്തിച്ച ലയണൽ മെസി ഇന്നലെ നടന്ന മത്സരത്തിൽ രണ്ടു ഗോളും ഒരു അസിസ്റ്റും സ്വന്തമാക്കി. അറ്റ്ലാന്റ യുണൈറ്റഡിനെതിരെ നടന്ന ലീഗ് കപ്പിലെ മത്സരത്തിൽ ഇന്റർ മിയാമി എതിരില്ലാത്ത നാല് ഗോളുകളുടെ വിജയവും സ്വന്തമാക്കി.
കഴിഞ്ഞ മത്സരത്തെ അപേക്ഷിച്ച് കൂടുതൽ ഒത്തിണക്കം വന്ന ഇന്റർ മിയാമിയെയാണ് കളിക്കളത്തിൽ കണ്ടത്. മത്സരത്തിൽ ആധിപത്യം പുലർത്തിയ അവർ ലഭിച്ച അവസരങ്ങൾ കൃത്യമായി മുതലെടുത്ത് ഗോളുകൾ സ്വന്തമാക്കി. എട്ടാം മിനുട്ടിൽ തന്നെ മെസി ടീമിനെ മുന്നിലെത്തിച്ചു. ബുസ്‌ക്വറ്റ്‌സിന്റെ ഒരു ലോങ്ങ് പാസ് പിടിച്ചെടുത്ത മെസി ഷോട്ടുതിർത്തെങ്കിലും പന്ത് പോസ്റ്റിൽ തട്ടി തെറിച്ചു വന്നു. അതിന്റെ റീബൗണ്ടിൽ നിന്നുമാണ് മെസി വല കുലുക്കിയത്.
LIONEL MESSI GOAL FOR INTER MIAMI! Via MLS.pic.twitter.com/Y9HjEfffUs
— Roy Nemer (@RoyNemer) July 25, 2023
LIONEL MESSI WITH HIS SECOND GOAL OF THE MATCH FOR INTER MIAMI! Via MLS.pic.twitter.com/itYUdcED4h
— Roy Nemer (@RoyNemer) July 26, 2023
ഇരുപത്തിരണ്ടാം മിനുട്ടിൽ രണ്ടാമത്തെ ഗോളും വന്നു. മുന്നേറ്റനിര താരമായ റോബർട്ട് ടെയ്‌ലർ നൽകിയ മികച്ചൊരു ക്രോസ് ലയണൽ മെസി അനായാസം വലയിലേക്ക് എത്തിക്കുകയായിരുന്നു. ഇന്റർ മിയാമിയുടെ മറ്റു രണ്ടു ഗോളുകളും നേടിയത് റോബർട്ട് ടെയ്‌ലർ ആയിരുന്നു. ആദ്യപകുതി അവസാനിക്കുന്നതിനു മുൻപ് ലീഡ് ഉയർത്തിയ താരം രണ്ടാം പകുതിയിൽ മെസിയുടെ അസിസ്റ്റിൽ നിന്നും വല കുലുക്കി. കഴിഞ്ഞ മത്സരത്തിൽ ടെയ്‌ലർ ഒരു ഗോൾ നേടിയിരുന്നു.
MESSI ASSIST FOR ROBERT TAYLOR pic.twitter.com/uCocan76hS
— MC (@CrewsMat10) July 26, 2023
ROBERT TAYLOR BANGER 🚨
Cremaschi with the flick on to Taylor to give us a three goal lead in the 44th minute🤯#MIAvATL | 3-0 pic.twitter.com/8T4ttw5vaY
— Inter Miami CF (@InterMiamiCF) July 26, 2023
കഴിഞ്ഞ മത്സരത്തിൽ ക്രൂസ് അസൂലിനോട് വിജയം നേടിയെങ്കിലും ഇന്റർ മിയാമിയെ വിറപ്പിക്കാൻ അവർക്ക് കഴിഞ്ഞിരുന്നു. എന്നാൽ ഇന്ന് നടന്ന മത്സരത്തിൽ ഇന്റർ മിയാമി തന്നെയാണ് മികച്ചു നിന്നത്. ഈ സീസണിൽ മോശം ഫോമിലായിരുന്നു ടീം ലയണൽ മെസിയുടെ വരവോടെ വലിയൊരു മാറ്റമാണ് ഉണ്ടാക്കിയിരിക്കുന്നത്. ഇനി ലീഗിലും ഇതേ ഫോം തുടർന്ന് പ്ലേ ഓഫിൽ ഇടം പിടിക്കാനായിരിക്കും ലയണൽ മെസിയുടെയും സംഘത്തിന്റെയും ലക്‌ഷ്യം.
Messi Scored Two Goals For Inter Miami
